D Quer und Chrüz Fäger (QUCF) sin im Summer 2017 im ehemaalige Gylygge-Käller in dr St. Alban-Vorstadt griindet worde. Es git uns eigentlig scho läänger, aifach
unter anderer gonschtellazioon. D QUCF resultiire nämligg usere Fusioon vo de Pischtefäger us Basel und de Quer und Chrüz Waggis (QUCW) us Kaiseraugscht.
D Pischtefäger beriichere d Basler Fasnacht scho sit em Joor 1962. D QUCW sin im 2010 in Kaiseraugscht griindet woorde. Bis zu dr Fusioon hän d QUCW nume an de
Fasnachtsumziig uff em Land dailgnoo. Näbscht Kaiseraugscht sin au jedes Joor d Umziig in Prattele und Allschwiil uff em Programm gstande.
Joor fiir Joor isch aber d Seensucht, au moll an de "Drey Scheenschte Dääg" in Basel derfe mitmache, grösser woorde. Glicklicherwiis hän sich die zwei Glygge
gfunde.
Mir, d Quer und Chrüz Fäger, fraie uns riisig euch in Kaiseraugscht und in Basel an dr Fasnacht z gsee.
