AIDGNESSISCH - MIR HALTE DRADIZIOONE UFFRÄCHT

 

Trittst im Morgenstreich daher,

seh ich dich im Laternenmeer.

Dich du Hocherhabener,

Waaaaaaaaaaaaaaagis.

 

Es isch jetzt langsam Zyt,

uns gooht das wirgligg zwyt.

Wo sin si denn nur aane,

unseri stolze Schwiizer-Faahne.

 

Mer alli sin dr Mainig,

und do sin mir uns ainig.

Ob Raclette, Fondue oder Röschti,

zum Ässe isch das s Greeschti.

 

Kaine het uns kaa uf dr Lischte,

richtig schnäll sin mer wieder uf dr Pischte.

Holdener, Suter, Feuz oder Yule,

machet wyter so, mer findes richtig cool.

 

Dr Stucki unsere Schwinger-Keenig,

e Legände fyr immer und eewig.

Nur wenigi hätte in Zug dra glaubt, 

dass är dr Wicky im Schlussgang ins Sagmähl haut.

 

S Matterhorn unsere stolze Bärg,

isch au immer mol e Reisli wärt.

Im Summer an e scheene See,

nur nit dä in Ziiri, dä isch nid so scheen.

 

D Schwiizer-Nati dä gmischti Tross,

isch au nym vyyl mit Aidgnoss.

Mir gön mit beschtem Byspyyl voraa,

drum hän mir au d Schwingerhoose aa.

 

Sind also stolz uf unseri scheeni Schwiiz,

gänd ihre Sorg, und zwar mee als nur e bytz.

Drum setze mir das Joor e Zeiche,

und stelle so für d Zuekunft d Waiche.