Quer und Chrüz Fäger 2017 "meets" Holzjätter-Rueche 2011 (http://www.holzjaetter-rueche.ch/)

Syt Mitti 2019 wird dr Cliquekäller an dr St. Johanns-Vorstadt 11 vo de beide Waage Clique Holzjätter-Rueche und Quer und Chrüz Fäger zämme bewirtschaftet. 

Unsere Cliquekäller isch zweistöckig ufbaut. Im obere Abteil isch unter anderem dr Stammtisch mit Sitzmöglichkeite für ungfähr 16 Persone. Im untere Abteil isch dKuchi und drei witeri Ässtisch für ungfähr 18 Persone.

Mir biete e gmietlig ihgrichtete Cliquekäller, usgschmückt mit hochwärtige Fasnachtsutensilie (Larve, Latärne, Keramikfiguure etc.). Witer unte uf dr Site findsch e paar Bilder.

An dr Basler Fasnacht ka me bi uns am Mäntig und am Zischdig ässe und trinke.

Für e Tischreservation oder anderi Ahfrooge bitte früehzitig per E-Mail (qucf@gmx.ch) mälde.

Mir freue uns Di scho bald in unserem Cliquekäller dörfe zbegrüesse.

Ufgrund vo dr allsyts bekannte Situation isch unsere Glygge-Käller mehr denn je uf DINI Hilf ahgwiise.

Will mir momentan unsere Käller weder vermiete könne, no sälber irgendwelchi Ahläss dörfe mache, könne mir leider gar keini Yynahme generiere. Uf dr andere Siite sind mir aber drzue verpflichtet, d'Mietene fristgrächt zahle.  

Wär unsere Glygge-Käller kennt, weiss wie viel Traditioon dört dinne steggt und das wänd mir uf kai Fall verliere. 

Mit eme Biitrag vo mindistens CHF 20.- erwirbsch du dir e "Glygge-Käller-Holzjeton" wo du in Form vomene Geträngg bi uns im Käller dörfsch ihlööse. 

Zahle kasch via Twint (QR-Code unte) oder diräggt ufs Konto (IBAN: CH22 0023 3233 2566 86M1 H)

D'Quer und Chrüz Fäger und d'Holzjätter Rueche bedangge sich ganz härzligg für jede einzelne Biitrag.