Zum Gönnerin oder Gönner vo de Quer und Chrüz Fäger zwärde hesch du zwei Möglichkeite. Äntwäder du gosch in dRubrik "Nur Bares ist Wahres" und schänggsch uns e finanzielle Gönneryytrag nach dinere Wahl (mindischtens CHF 20.-), oder wenn du statt finanziell lieber materiell öbbis möchtisch biitrage, denn dörfsch du gärn in unserem "Gönnershop" go umestööbere und e Räpplisack, e Schachtle Orange, oder au e Harasse Wysswyy sponsere.

Egal öb finanziell oder materiell, d'Quer und Chrüz Fäger sind über jede Byytrag überglücklich, denn ohni dGönnerinne und Gönner könnte mir gar kei Fasnacht mache. Für Di Zuestupf bedangge mir uns drum ganz härzlich. 

Als Danggschön wärde alli Gönnerinne und Gönner immer am Fritig vor dr Kaiseraugster Fasnacht zu dr Waagevernissage mit Spiis und Trank ihglade. Und während dr Fasnacht profitiersch als Gönner am Fasnachtszischdig an dr Waageusstellig uf dr Kasärne vomene Gläsli Wysse mit eme feine Raclette.